Botë

Macron rikuperon popullaritetin në Francë

Macron rikuperon popullaritetin në Francë

Presidenti i Francës, Emmanuel Macron ka regjistruar një rritje të popullaritetit të tij në sondazhet e fundit. Qytetarët e intervistuar kanë vlerësuar lëshimet e tij sa i takon taksave dhe mbrojtjen e interesave të Francës jashtë kufijve të vendit.

Presidenti francez Emmanuel Macron ka rikuperuar kuotat e popullaritetit në muajin Janar, falë lëshimeve që qeveria e tij bëri pas protestave të “Jelekëve të Verdhë” kundër rritjes së taksave. Kështu thotë një sondazh i fundit i kryer nga “Ifop-Fiducial” për llogari të revistës prestigjoze “Paris Match”. Demonstratat që tronditën Francën që prej gjysmës së nëntorit kishin rrënuar popullaritetin e presidentit, që arriti minimumin historik në dhjetor 2018.