Macronit i largohet një nga këshilltarët kryesorë Në foto, presidenti francez Emmanuel Macron dhe këshilltari Sylvain Fort

Macronit i largohet një nga këshilltarët kryesorë

03 January 2019 18:49

Këshilltari për Komunikim i Presidentit francez, Sylvain Fort tha sot se do të braktisë postin e tij në fund të janarit.

"Në fund të janarit, unë do të braktis funksionin e këshilltarit të komunikimit në Presidencën franceze," tha Fort për agjencinë Frans Press, duke konfirmuar raportet e mëparshme në mediat franceze.

Fort njoftoi se dëshiron të angazhohet në projekte profesionale dhe familjare.

Vendimi i tij vjen në kohën kur Presidenti Emmanuel Macron, po përpiqet të fuqizojë pozitën e tij, pas protestave disa javore të grupit “Xhaketat e Verdha”.

Që nga mesi i nëntorit, kjo lëvizje protestonte kundër tarifave të reja për produktet e naftës si dhe kundër politikës së përgjithshme shtetërore.

© KOHA. Të gjitha të drejtat janë të rezervuara.

Komentet

Shto koment

Të ngjashme