Opozita në Serbi zotohet për vazhdimin e protestave masive Foto: Reuters

Opozita në Serbi zotohet për vazhdimin e protestave masive

16 dhjetor 2018 10:48

Liderët opozitarë në Serbi janë zotuar për të vazhduar protestat në janar pas marshit të mijëra personave në Beograd në kundërshtim të qeverisjes së presidentit të Serbisë, Aleksandar Vuçiq.

Me pankarta me thirrje të ndryshme si “Deri kur do të vazhdojë Serbia të jetë e keqja”,protestuesit kërkuan dorëheqjen e presidentit Vuçiq.

Organizatorët thanë se protestat e ardhshme pritet të mbahen më 16 janar, në përvjetorin e vdekjes së politikanit serb në Kosovë, Oliver Ivanoviq, vrasja e të cilit nxiti tensione në të dy vendet, transmeton REL.

Ivanoviqi u qëllua për vdekje para zyrës së tij në Mitrovicë.

“Ne nuk do të ndalemi apo të heshtim”, tha lideri i Partisë majtiste, Borko Stefanoviq, që ishte sulmuar muajin e kaluar në Krushevc nga disa persona.

Ish ministri i jashtëm serb Vuk Jeremiq dhe kryetari i Komunës në Beograd, Dragan Gjillas, ishin në krye të protestës më 15 dhjetor.

Në një raport të fundit në Serbi, Parlamenti Evropian ka thënë se Serbia duhet të përmirësojë “lirinë e shtypit dhe lirinë e shprehjes”.

Komentet

Shto koment

Të ngjashme