Botë

Shefi i NATO-s thotë se Rusia është “në shkelje” të traktatit bërthamor

Sekretari i Përgjithshëm i NATO-s, Jens Stoltenberg tha sot se Rusia ishte “në shkelje” të një traktati të rëndësishëm bërthamor dhe i kërkoi Moskës që të vepronte në përputhje me marrëveshjen “në një mënyrë transparente dhe të verifikueshme”.

Komentet e Stoltenbergut pasojnë njoftimin e Presidentit Donald Trump për të tërhequr Shtetet e Bashkuara nga Traktati i Forcave Bërthamore me Rreze të Shkurtër dhe të Mesme Veprimi (INF) për shkak të shkeljeve të Rusisë.