Ish-kryetari i Gjykatës Kushtetuese dhe profesori universitar, Enver Hasani, ka folur rreth dialogut Kosovë- Serbi. Ka thënë se pritja që Serbia do ta njohë Kosovën është iluzion.
“Në qoftë se e marrim parasysh shkaktarin imediat për dinamikën aktuale të dialogut, atëherë pritja që Serbia do ta njohë Kosovën është iluzion”, ka thënë Hasani në emisionin “Betimi për Drejtësi” në KTV.
Profesori i marrëdhënieve ndërkombëtare në UP ka thënë se aktualisht presidenti i Serbisë, Aleksandar Vuçiq, po garanton Perëndimin se nuk do ta destabilizojë Bosnjës e as Kosovën derisa si çmim ka mosnjohjen e Kosovës si shtet.
Hasani ka folur edhe për asociacionin e komunave me shumicë serbe. Sipas tij, një institucion i tillë do ta prishte Kosovën si shtet unitar dhe do pamundësonte shtrirjen e sovranitetit në gjithë vendin.
“Në bazë të asaj që na thonë, bëhet fjalë për regjionalizim të Kosovës, ndryshim i formës së shtetit, që Kosova mos të jetë më shtet unitar”, tha ai.
