Restelica: Pranojmë deri në 10 ankesa brenda ditës për mashtrim në blerjet online
Pëlqeje KTV Video për të parë video të përzgjedhura nga KOHA
Fatbardha Restelica nga platforma “Mbrojtësit e Konsumatorëve”, në emisionin “Betimi për Drejtësi”, ka thënë se marrin mesatarisht deri në 10 ankesa nga qytetarët brenda ditës, e që sipas saj, shumica janë për mashtrim në blerjet online.
Ajo thotë se numri i ankesave të qytetarëve për mashtrim në blerjet online është rritur gjatë vitit 2020, kur vendi u përball me pandeminë COVID-19.
“Te Mbrojtësit e Konsumatorit, pranojmë mesatarisht deri në 10 mesazhe në ditë prej tyre. Një pjesë e konsiderueshme, një pjesë goxha e madhe i takojnë ankesave për parregullsi në blerjet online, qoftë këto mashtrimet, qoftë produkte që nuk po dalin siç janë reklamuar, qoftë mashtrim në çmim pastaj etj, etj. Por që në përgjithësi kanë të bëjnë me blerjet online në faqet e ndryshme në Instagram, në Facebook, platforma online. Numri i ankesave që kanë të bëjnë me parregullsi ndaj konsumatorëve, mashtrimet ndaj konsumatorëve përmes blerjeve online është rritur gjatë pandemisë edhe prej andej ka vazhduar me një ritëm goxha të rritur”, tha ajo në emisionin “Betimi për Drejtësi” në KTV.
Ajo shtoi se ankesat e qytetarëve kanë të bëjnë kryesisht me cilësinë e produktit apo edhe mos marrjen e produktit që e kanë porositur.
