Skuadra pejane, GO+ Peja, është duke fituar 48:44 pas pjesës së parë ndaj Sigal Prishtinës, në ndeshjen që po luhet në Pallatin e Rinisë dhe Sporteve në Prishtinë.
Ky ballafaqim i takon xhiros së pestë të Superligës së Kosovës në basketboll.
Megjithatë, pjesa e dytë ende nuk ka nisur. Sipas një njoftimi të GO+ Pejës, janë kërcënuar referët.
“GO+ Peja është e gatshme që të vazhdoj ndeshjen, mirëpo gjyqtarët dhe delegati i ndeshjes kanë vendosur që takimi nuk do të vazhdoj derisa të arrijnë forcat e Policisë në sallë dhe të zbrazin sallën. Kërcënimet ndaj referëve kanë shtyrë deri te ky vendim”, ka shkruar klubi pejan.
Ende nuk ka ndonjë reagim nga Sigal Prishtina.