Kampionati i Kosovës në automobilizëm vazhdon në këtë fundjavë me garën që do të zhvillohet në Zym.
Bëhet fjalë për garën e dytë në disiplinën malore, pas asaj që është zhvilluar në Prevallë.
“Nuk ka dyshim se numri i pjesëmarrësve edhe kësaj radhe do të jetë i madh, pasi disiplina malore është më atraktive për garuesit. E njëjta pritet të ndodhë edhe me numrin e dashamirëve të automobilizmit”, thuhet në njoftimin e Federatës së Auto Sportit.
Federata e Auto Sportit e Kosovës thotë se në bashkëpunim me institucionet tjera relevante (Policinë e Kosovës, Ndihmën e Shpejtë dhe Brigadën e Zjarrfikësve) i ka ndërmarrë të gjitha masat që gara të zhvillohet në mënyrën më të mirë të mundshme.
Paraqitja e pjesëmarrësve në garë bëhet të shtunën me fillim orën 8:30.
Edhe
Të shtunën fillon kampionati që është i rëndësishëm edhe për Kosovën
Më vonë, pas procedurave të zakonshme, do të zhvillohen dy vozitjet provuese, ndërsa aktiviteti për të shtunën përfundon rreth orës 16:00.
Të dielën, duke filluar në orën 10:00 bëhet renditja e garuesve, starti i vozitjes së parë është në orën 12:00, ndërsa gara pritet të mbyllet në orën 16:00 me ceremoninë e shpalljes së fituesve.
