Koreja e Jugut ka njoftuar se do të vendosë gjobë prej 2.2 milionë dollarësh për kompaninë amerikane të automjeteve Tesla, shkroi të martën Reuters.
Rregullatori jugo-korean i konkurrencës ka thënë se kjo gjobë është për dështimin e Teslas për t’u treguar klientëve të saj për distancën më të shkurtër të lëvizjes së automjeteve elektrike në temperatura të ulëta.
Gama e drejtimit të veturave të Teslas në SHBA bie në mot të ftohtë deri në 50.5 për qind në krahasim me mënyrën se si ato reklamohen në internet.
Në faqen e saj të internetit, Tesla ofron këshilla për drejtimin e automjeteve dimërore, të tilla si parakushtimin e automjeteve me burime të jashtme të energjisë dhe përdorimin e aplikacionit të përditësuar të Energjisë për të monitoruar konsumin e energjisë, por nuk përmend humbjen e diapazonit të drejtimit në temperatura nën zero.
Në vitin 2021, Qytetarët e Bashkuar për Sovranitetin e Konsumatorit, një grup konsumatorësh në Korenë e Jugut, tha se diapazoni i drejtimit të shumicës së automjeteve elektrike bie deri në 40 për qind në temperatura të ftohta kur bateritë duhet të ngrohen.