Apple ka anuluar planet për të prodhuar automjete elektrike (EV) një dekadë pasi prodhuesi i iPhoneit u përfol se po punonte në projekt, shkruan BBC.
Kompania kurrë nuk e ka pranuar publikisht projektin, në të cilin janë përfshirë rreth dy mijë njerëz.
Shumë punonjës nga projekti do të transferohen në divizionin e inteligjencës artificiale (IA) të prodhuesit të iPhoneit, sipas Bloomberg News.
Ekipi i veturave Apple thuhet se njihej si Grupi i Projekteve Speciale si pjesë e projektit të shefit ekzekutiv Tim Cook.
Ndërsa shpenzoi miliarda dollarë për kërkime dhe zhvillim, Apple fillimisht u përfol se po punonte në një automjet plotësisht autonom pa timon dhe pedale.
Ekipi u kuptua se ishte ende shumë vite larg prodhimit të një automjeti.
“Ky është vendim i zgjuar dhe i shumëpritur. Kërkesa e tregut për EV-në nuk është aty dhe IA është vendi ku është i gjithë veprimi”, ka thënë Ray Wang, themeluesi dhe shefi ekzekutiv i konsulencës “Constellation Research” me bazë në Silicon Valley.
Apple ka eksploruar mundësi të tjera përtej iPhone dhe kompjuterëve, duke përfshirë kufjet e realitetit virtual Vision Pro të lansuar së fundmi.
Kërkesa për veturat elektrike ka rënë në muajin e fundit pasi kostot e huamarrjes mbeten të larta, gjë që e ka bërë tregun gjithnjë e më konkurrues.
