Prodhuesi gjerman i veturave, Mercedes-Benz, është i interesuar për teknologjinë e kompanisë koreano-jugore PiQuant, e cila pengon shoferët të ndezin veturën nëse janë nën ndikimin e alkoolit.
Teknologjia e re e kompanisë koreano-jugore kontrollon nëse shoferi është i dehur duke skanuar gjurmët e gishtave të tij, raporton “Business Korea”.
Sipas zhvilluesve, teknologjia mund të futet në butonin kur ndizet motori dhe shoferët nën ndikimin e alkoolit nuk do të mund të ndezin veturën ose do të kalojnë në një sistem automatik drejtimi.
Kompania PiQuant arriti të zhvillojë një teknologji të bazuar në spektroskopi, e cila mat sasinë e alkoolit në gjak vetëm duke prekur gishtat.
