Rënia e kërkesës për modele elektrike në Grupin Volkswagen është reflektuar në rrjedhën e prodhimit të fabrikës në Zwickau, Gjermani. Prandaj VW-ja ka pushuar përkohësisht disa punonjës.
Përveç shitjeve të shkëlqyeshme të modeleve me motorë me djegie të brendshme, Volkswageni ka elektrizuar tashmë shumë vetura në gamë, duke u përpjekur të drejtojë një pjesë të madhe të klientëve drejt drejtimeve alternative. Megjithatë, duket se kohët e fundit përpjekjet e gjermanëve janë përballur me më pak kërkesa në tregun evropian dhe kjo është pjesë e enigmës dhe luftës kundër prodhuesve kinezë, për të cilën është shkruar intensivisht së fundmi.
Kjo anomali tashmë po ndikon në funksionimin e fabrikës në Zwickau të Gjermanisë, kulmi i prodhimit të veturave elektrike për VW-në. Fabrika që dikur prodhonte vetura klasike është shndërruar në një objekt prodhimi të veturave elektrike.
Aty prodhohen Volkswagen ID.3, Cupra Born, Volkswagen ID.4, Audi Q4 e-tron, Volkswagen ID.5 dhe Audi Q4 Sportback. Planet e kompanisë gjermane parashikonin prodhim vjetor prej 330 mijë veturash, që ishte e mjaftueshme për të mbajtur një fuqi punëtore prej 10.700 punonjësish.
Kapaciteti javor i prodhimit ishte 7.100 vetura në nëntor 2022, dhe arriti në 7.300 njësi në mars të këtij viti. Por kërkesa duket se ka rënë dhe Volkswageni është detyruar të ndalojë punësimin e përhershëm për 269 punonjës për 12 muaj. Madje, për këto masa jozyrtarisht flitet që nga fundi i vitit të kaluar.
© KOHA. Të gjitha të drejtat janë të rezervuara.
