Rritja e linjës elektrike të Volkswagenit do të vazhdojë me një model praktik, që do të vijë në formën e ID.2 SUV.
“Auto-Express” ka publikuar fotografitë e modelit që pritet të vijë me dy lloje baterish, që ia mundësojnë ngasjen deri në 450 kilometra me një mbushje.
Po ashtu pritet edhe një variant me bateri të madhe që mund të mbushet më shpejt.
Shefi i kompanisë, Thomas Schafer, ka shtyrë brendin drejt ndryshimeve në interier. Tek koncepti i ID.2 janë parë disa opsione të reja të veçanta fizike për kontroll, sidomos te ventilimi, ngrohësja e audioja.
Volkswageni pritet ta nxjerrë në shitje veturën e re në vitin 2025. Ajo do të kushtojë rreth 20 mijë euro si çmim fillestar.
