Pronari i Jaguarit, Land Rover, do të zgjedhë Britaninë e Madhe për ndërtimin e një fabrike të baterive të automjeteve elektrike, e cila do të kushtojë miliarda funte, raportoi BBC-ja të mërkurën.
Kompania indiane ka vendosur ta zgjedhë Mbretërinë e Bashkuar në vend të Spanjës.
Shefi i Land Roverit pritet të fluturojë për në Londër javën e ardhshme për të finalizuar marrëveshjen sa i përket ndërtimit të kësaj fabrike të baterive, e cila mund të punësojë rreth nëntë mijë persona.
Një investim i tillë do t'i jepte një shtysë industrisë britanike të veturave, disa ditë pasi prodhuesit kryesorë të automjeteve, duke përfshirë pronarin e Vauxhallit, Stellantisit dhe Fordit, paralajmëruan se rregullat e ardhshme tregtare pas Brexit rrezikojnë ta bëjnë atë të pazbatueshme.
Mungesa e një sektori të baterive të prodhuara në shtëpi do të rrezikonte gjithashtu tarifat për veturat britanike sipas rregullave pas Brexit që do të hyjnë në fuqi nga viti i ardhshëm.
