Auto

Volvoja emëron drejtorin e ri të qendrës së sigurisë

Prodhuesi suedez i veturave, Volvo, ka emëruar shefin e ri të qendrës së sigurisë.

Asa Haglund, e cila filloi punën e saj në Volvo më 2004 si analiste e aksidenteve, është vendosur në këtë pozitë që luan rolin kryesor në synimin e prodhuesit të automjeteve për të eliminuar të gjitha përplasjet në të ardhmen, raportoi të hënën “Automotive”.

46-vjeçarja ka filluar punën në pozitën e re më 1 shkurt, ka njoftuar kompania.

Gjatë gati 19 viteve me kompaninë, ajo ka mbajtur gjithashtu role kyçe si menaxhere e përplasjeve nga pas dhe për sigurinë e fëmijëve.

Haglund pasoi Thomas Brobergun, i cili kishte shërbyer si ushtrues detyre i kreut të qendrës së sigurisë që nga vera e kaluar.

Ai do të kthehet në rolin e tij të mëparshëm si këshilltar i lartë teknik për sigurinë.

Broberg mori drejtimin e qendrës së sigurisë pasi Malin Ekholm u largua nga kompania për t'u bashkuar me startupin e veturave elektrike me bazë në Kaliforni, Rivian, si zëvendëspresident i shasisë, dinamikës dhe atributeve.