Prodhuesi Italian i veturave sportive luksoze, Ferrari, ka parashikuar rritje dhe fitime më të larta këtë vit, pas rezultateve rekord të tij në vitin 2022, raportoi të dielën “Financial Times”.
Ky parashikim ndodhë pasi kërkesa në të gjithë Amerikën dhe Kinën është nxitur pas largimit nga spektri i një rënieje ekonomike.
Fitimet neto, të ardhurat dhe gjenerimi i parave të markës arritën nivele rekord të vitit të kaluar, pasi blerësit luksozë kërkuan më shumë modele dhe shpenzuan shuma gjithnjë e më të larta për veçori të personalizuara.
Rritja e shitjeve u nxit nga Portofino M e nivelit fillestar dhe kërkesa më e lartë për hipermakinën e saj hibride, SF90.
Në Kinë shitjet u rritën 73 për qind në 1,552 modele, ndërsa në Amerikë ato u rritën me 22 për qind 3,447 vetura.
Evropa ishte ende tregu më i madh, me një rritje prej 8 për qind në 5,958 vetura. Shtesat e porositura, nga pëlhurat e brendshme deri te kapëset e frenave me ngjyra të veçanta, janë një shtyllë e biznesit të Ferrarit , duke shtuar dhjetëra mijëra funte në koston e modeleve të tij që tashmë fillojnë nga 170,000 £.
Fitimet neto vitin e kaluar u rritën 13 për qind në 939 milionë euro, pas një rritjeje prej 19 për qind në dërgesat dhe shitjet në 13,221 dhe 5.1 miliardë euro. Fluksi i lirë i parasë kur u hoqën marrëveshjet financiare u rrit 18 për qind në 758 milionë euro.
Marka pret që shitjet e vitit 2023 të jenë rreth 5.7 miliardë euro, nga 5.1 miliardë euro vitin e kaluar, me fitime para taksave midis 1.45 dhe 1.5 miliardë euro, krahasuar me 1.23 miliardë euro në 2022.
Ajo gjithashtu parashikon që marzhi i fitimit, i cili vitin e kaluar ishte 24 për qind, do të rritet në 26 për qind.
© KOHA.
