Harley-Davidson raportoi fitim tremujor më të lartë se sa pritej, si pasojë e një rritjeje në dërgesat e motoçikletave shoqëruar me çmime të larta.
Aksionet e kompanisë amerikane u rritën deri në 9.6 për qind, lëvizja më e madhe njëditore që nga rezultatet e tremujorit të kaluar, raportoi Reuters.
Prodhuesi ose ka mposhtur ose ka përmbushur parashikimet e të ardhurave të Wall Street për shtatë tremujorët e mëparshëm, duke përfituar nga kërkesa e fortë për blerje, pavarësisht nga inflacioni i lartë.
Harley-Davidson tha se pret që të ardhurat nga biznesi i saj i motoçikletave të rriten në vitin 2023. Kompania u rikthye nga një ngadalësim i prodhimit në maj, të cilin drejtuesit ia atribuuan një problemi të pjesëve nga një furnizues i palës së tretë.
Showroom-et që ishin me deficit gjatë verës kanë filluar të rimbushen me modele të reja dhe të përdorura.
