Audi Activesphere është automjeti më i fundit në një seri konceptesh nga kompania gjermane që lë të kuptohet për vizionin e saj të lëvizshmërisë në të ardhmen.
Pas Audi skysphere më 2021, si dhe Audi grandsphere, dhe konceptit të hapësirës së Audi urbansphere në prill 2022, një veturë me katër dyer me një dizajn trupor mahnitës po bën tani debutimin e tij. Vetura shumë elegante është më shumë se një veturë sportive e klasit luksoz, me hapësirë mbresëlënëse nga toka dhe rrota të mëdha 22 inç që shpallin talentin e saj jashtë rrugës, raportoi Audi-mediacenter.
Pjesa e pasme mund të shndërrohet në një shtrat të hapur ngarkese me prekjen e një butoni - perfekt për të mbajtur pajisje rekreative si biçikleta elektronike ose pajisje uji dhe sportive dimërore, ashtu që vetura transformohet në një kamionçinë brenda sekondash.
Ashtu si paraardhësit e tij, Activesphere është i pasur me teknologji dhe ide që ndoshta janë vite larg integrimit në makinat e prodhimit, por dritat e tij mund të jenë e ardhmja e afërt në botën e veturave të teknologjisë së lartë.
Dritarja e pasme është funksionale pasi lëviz në të njëjtën linjë me çatinë për të krijuar hapësirë për ngarkesat, të cilat mund të jenë biçikleta elektrike. Një pjesë e mbulesës së pasme është ulur për të krijuar një derë të pasme, duke e bërë hapësirën e ngarkesës më të qasshme. Ndarja e motorizuar hapet kur hapësira e ngarkesës është në përdorim dhe shërben për të ndarë pjesën e brendshme.
Përdoruesi mund të shohë përmbajtjen virtuale dhe ta aktivizojë atë nëse fokuson sytë në informacione të caktuara. Sistemi i paraqet përdoruesit një sërë funksionesh në mënyrë që ai të mund t'i përdorë ato pavarësisht se ku është ulur. Gjithashtu, sistemi ofron përmbajtje të personalizuar për çdo pasagjer, në mënyrë që shoferi të marrë informacione të rëndësishme për automjetin, ndërsa pasagjerët mund të zgjedhin muzikë dhe funksione të tjera digjitale.
