Tesla po përgatitet për një vit 2023 sfidues, pasi uli çmimet për të nxitur kërkesën.

Kompania e veturave elektrike, e drejtuar nga miliarderi Elon Musk, raportoi të ardhura dhe fitime rekord në tre muajt e fundit të 2022-s, duke kaluar pritshmëritë, shkruan BBC.

I pyetur se si kompania do të ndikohet nga kostot më të larta të huamarrjes dhe ekonomisë më të dobët, Musku është optimist.

Ai ka thënë se uljet e çmimeve po japin efekt për të sjellë blerës, me porositë që këtë muaj deri tash kalojnë edhe prodhimin.

“Çmimi ka vërtet rëndësi. Ne mendojmë se kërkesa do të jetë e mirë pavarësisht, ndoshta, një tkurrje në tregun e veturave në tërësi”, ka thënë Musk.

Përditësimi vjen në një kohë kritike për kompaninë.

Shitjet e veturave elektrike u rritën vitin e kaluar, duke ndikuar në një rënie më të madhe në tregun global të veturave.

Por epërsia e Teslas është sfiduar nga konkurrenca e shtuar nga gjigantët tradicionalë të prodhimit të motorëve si Ford dhe General Motors, si dhe hyrjet më të reja në treg si Rivian dhe Lucid në SHBA dhe BYD dhe Nio në Kinë.