Gjithnjë e më shumë organizata financiare globale po merren me tregun e veturave, pas tronditjes që pati ky treg gjatë viteve të mëparshëm.
Duke gjykuar nga vlerësimet e bankës investuese JP Morgan, çmimet e veturave të reja dhe të përdorura duhet të jenë pak më të ulëta këtë vit.
JP Morgan pret që problemet në furnizimin e lëndëve të para dhe pjesëve në industrinë e veturave tani mund të jenë më të vogla dhe se tregu i çipave mund të stabilizohet relativisht, gjë që do të nënkuptonte prodhim më të madh dhe më të shpejtë, dhe rrjedhimisht barazimin e ofertës dhe kërkesës, shkruan Autoblog.
Vlerësohet se çmimet e veturave të reja mund të ulen nga dy deri në pesë për qind, ndërsa ato të përdorura do të ulen me 10 deri në 20 për qind.
JP Morgan e lidh çmimin e veturave të përdorura me inflacionin e pritshëm të ulët në vitin 2023 në disa vende të zhvilluara evropiane.
Nëse shikojmë raportet nga tregu evropian i veturave të përdorura, çmimi mesatar i një veture të përdorur ka thyer rekord të të gjitha kohërave, me çmimet aktuale rreth 12 për qind më të larta mesatarisht.
© KOHA. Të gjitha të drejtat janë të rezervuara.
