Muajin e kaluar Audi prezantoi SUV-in e ri Q6, i cili u bë modeli më i madh i markës gjermane, por një tjetër SUV i madh është rrugës, shkruan AutomotiveNews.
Cikli i planifikimit të produktit të Audi është ndryshuar nga sulmi i Rusisë ndaj Ukrainës dhe mungesat globale të çipave, por kompania ende ka në plan të ndalojë shitjen e modeleve me motorë me djegie të brendshme, me secilin model që të ketë të paktën një cikël tjetër prodhimi përpara se të bëhet tërësisht elektrik.
Modeli më interesant që pritet është Q9 SUV, i cili do ta zëvendësojë Audi Q7 dhe do të konkurrojë me BMW X7 dhe Mercedes GLS. Q9 pritet të mbërrijë në vitin 2025, ndoshta si modeli i fundit me motorin SUS.
Ndërkohë, Q8, duke përfshirë versionet S dhe RS, do të rifreskohet në fund të vitit 2023 me një sistem hibrid. Q7 do të pësojë ndryshime të ngjashme, por vetëm në vitin 2025. Q5 do t'i nënshtrohet gjithashtu një ridizajnimi të madh në vitin 2025. Q3 pritet më 2024 të ndryshojë me një sistem hibrid të butë.
Sa i përket sedanit, A8 nuk ka gjasa të shohë ndonjë ndryshim përpara përfundimit të prodhimit.
© KOHA. Të gjitha të drejtat janë të rezervuara.
