Modeli i Toyotas i viteve ’60 bëhet vetura më e shtrenjtë japoneze në histori
Vetura më e shtrenjtë japoneze në histori u bë një prej njësive të para të modelit 2000GT të Toyotas.
Bëhet fjalë për Toyotan 2000GT të parë sipas numrit serik dhe një prej tri njësive që Shelby përgatiti për garat SCCA C.
Kjo veturë kishte gjithçka që duhej për të thyer rekordin në ankand dhe kjo edhe ndodhi. Edhe pse u vlerësua se mund të kushtojë nga 2,75 deri në 3,5 milionë dollarë, pronari i ri pagoi 2,535,000 dollarë, mjaftueshëm për t’u bërë vetura më e shtrenjtë japoneze në histori e shitur në ankand.
Kjo veturë theu rekordin e mëparshëm prej 2.1 milionë dollarësh të vendosur për Toyota Supra (2020) si dhe për Lexus LC 500 Convertible (2021), i cili u shit për 2 milionë dollarë.
Ndër dhjetë veturat më të shtrenjta japoneze janë gjashtë modele 2000GT.
Toyota lansoi 2000GT në vitet 1960 për të përmirësuar imazhin e saj. Vetura ka motor 2.0-litërsh me 6 cilindra turbo dhe është i zhvilluar në bashkëpunim me Yamahan. Jep 150 kuaj fuqi. Shpejtësinë prej 0 deri në 100 km/h e arrin për rreth 10 sekonda.
Sidoqoftë, kjo Toyota-Shelby 2000GT që u shit së fundi jep 210 kuaj fuqi, ka tre karburatorë të dyfishtë dhe pesë shpejtësi.
Toyota e përdori veturën për qëllime promovuese dhe më pas shasia MF10-10001 iu nënshtrua përmirësimeve të shumta falë punës së inxhinierëve të Shelby për ta bërë gati për garat SCCA. /klix
