Japonia ndihmon me mbi 5 miliardë dollarë prodhuesit e çipave

Japonia do të ndajë rreth 600 miliardë jen (5.2 miliardë dollarë) nga buxheti i saj për vitin 2021 për të mbështetur prodhuesit e gjysmëpërçuesve, përfshirë prodhuesin kryesor në botë të çipave për vetura, Taiwan Semiconductor Manufacturing (TSMC), me të cilin Japonia ka kontratë, njoftoi e përditshmja “Nikei”.

Si pjesë e paketës së masave nxitëse, qeveria japoneze, sipas kësaj gazete, do të investojë rreth 400 miliardë jen në një fabrikë të re që do të ndërtohet nga TSMC në prefekturën Kumamoto, në jugperëndim të Japonisë, përcjell Reuters.