Honda AWV mund të kryejë punë në kantier në mënyrë autonome
Nga Japonia vjen automjeti i lezetshëm që është gjenerata e fundit e prototipit Honda AWV (Autonomous Work Vehicle).
Kompania testoi këtë makinë të vogël vetë-drejtuese për një muaj në një kantier ndërtimi, ku Black & Weatch po ndërton një park diellor në New Mexico.
AWV bazohet në shasinë e Honda Pioneer UTV dhe ky mjet i vogël mund të mbajë një ngarkesë deri në 721 kilogramë dhe mund të tërheqë një rimorkio prej 750 kilogramësh. Kur ngarkohet plotësisht, ky mini-kamion ka një distancë përshkimi maksimale prej 45 kilometrash. Mbushja e baterive zgjat gjashtë orë.
Honda AWV mund të funksionojë me telekomandë ose si një automjet autonom. Në modalitetin e vetëdrejtimit, operatori përdor tableta për të dërguar informacionet në makinë se ku duhet të shkojë. Kamera e përparme, kamerat 3D, gjurmuesi GPS dhe radari janë përgjegjës për “vizionin”.
Kompania e ndërtimit Black & Weatch e përdori AWV-në për të transferuar pajisjet brenda kantierit të ndërtimit. Automjetet liruan personelin që në kushte të tjera do të transportonte ngarkesën. Ky nuk është testi i parë real i AWV-së, por është hera e parë që Honda ka nxjerr disa njësi për testim në të njëjtën kohë. Kompania prezantoi prototipin fillestar në “CES 2019”.
Honda thotë se nuk është ende gati të fusë AWV-në në prodhim për shfrytëzim komercial sepse dëshiron të vazhdojë zhvillimin e këtij modeli.
Kompania japoneze po kërkon më shumë partnerë si Black & Weatch, të cilët do të ishin të interesuar të testonin makinën. /autoblog
