Gati një në pesë vetura të shitura në Bashkimin Evropian në tremujorin e tretë ishte një model i elektrizuar pasi shitjet vazhduan të rriteshin ndërsa veturat me lëndë djegëse fosile ranë, sipas të dhënave të shitjeve të publikuara nga një organizatë tregtare.
Shoqata Evropiane e Prodhuesve të Automjeteve, ose ACEA, e cila përfaqëson prodhuesit kryesorë evropianë të veturave, kamionëve, furgonëve dhe autobusëve, tha se shitjet e modeleve elektrike të baterive dhe modeleve hibride plug-in në të gjithë Bashkimin Evropian përbënin pak më pak se 19% të të gjitha shitjeve.
Shitjet e veturave elektrike me bateri u rritën gati 57% në më shumë se 212 mijë njësi, ndërsa modelet hibride plug-in u rritën gati 43% në më shumë se 197 mijë njësi.
Ky është një ritëm më i ngadaltë i rritjes se në vitin 2020, kur shitjet pothuajse u trefishuan nga një bazë e ulët.
Por krahasohet me një rënie prej 35% të shitjeve për veturave me benzinë - të cilat janë ende shitësit më të mëdhenj dhe përbëjnë gati 40% të shitjeve të përgjithshme - dhe një rënie prej më shumë se 50% për veturat me naftë gjatë tremujorit.
Më pak se një dekadë më parë, veturat me naftë përbënin më shumë se 50% të shitjeve në BE, por përbënin nën 18% të të gjitha veturave të shitura në tremujorin e tretë.
Përveçse duhet të përmbushin objektivat e reja të BE-së për emetimet e karbonit, prodhuesit dhe konsumatorët e veturave kanë përfituar nga subvencionet e qeverisë për automjetet elektrike.
Komisioni Evropian ka propozuar gjithashtu një ndalim efektiv të automjeteve me lëndë djegëse fosile nga viti 2035, duke synuar të përshpejtojë kalimin në automjetet elektrike me emetim zero, si pjesë e një pakete të gjerë masash për të luftuar ngrohjen globale.
