Shqipëria ndryshon Kodin Rrugor, masa më të ashpra për shoferët e rinj

Shqipëria ndryshon Kodin Rrugor, masa më të ashpra për shoferët e rinj

25 February 2020 10:16

Brenda kësaj jave Ministria e Brendshme dhe Policia e Shtetit në Shqipëri do të bëjnë publike propozimet që do t’i drejtojnë Kuvendit për të ndryshuar Kodin Rrugor.

Mësohet se një nga propozimet është që shoferët e rinj, që kanë marrë patentat në 3 vitet e fundit, të jenë më të penalizuar se sa drejtuesit e tjerë. Propozim do të ketë edhe në ashpërsimin e gjobave për shoferët që përdorin celularin gjatë vozitjes, si dhe për këmbësorët.

Viti 2020 është cilësuar si “Viti i sigurisë rrugore”, e ndërsa brenda kësaj jave pritet që Ministria e Brendshme dhe Policia e Shtetit të japin në një dalje publike propozimet që do t’i bëjnë Kuvendit për ndryshimet në Kodin Rrugor. Me ndryshimet e reja, pritet që të ashpërsohen edhe masat për shkelësit e rregullave të qarkullimit rrugor. Mësohet se një prej propozimeve që do të bëhet është që drejtuesit e rinj të automjeteve të kenë më shumë penalizim se sa të tjerët.

Propozimi parashikon që ata që kanë më pak se 3 vijet që kanë marrë patentën, do të ndëshkohen 50 % më shumë për disa nga shkeljet e qarkullimit rrugor, si parakalimet e gabuara, për përdorimin e alkoolit, mosdhënien e përparësisë, e disa shkelje të tjera. Ndërkohë në një sondazh të publikuar në faqen e Policisë Rrugore ku kërkon që qytetarët të japin mendimin e tyre nëse janë dakord apo jo me këtë ndryshim, më shumë se 60% e tyre kanë qenë dakord. Po ashtu, propozime për ashpërsim të masave do të kërkohet edhe drejtuesit e mjeteve që lëvizin duke përdorur celularin. Për këtë shkelje, gjoba varion nga 5 mijë deri në 15 mijë lekë të vjetra, e ndërsa tashmë pritet që në propozimin e policisë, gjoba të shkojë nga 200 deri në 300 mijë lekë të vjetra.

Ndërsa për këmbësorët gjoba ka variuar nga 500 deri në 2 mijë lekë dhe me ndryshimet që pritet t’i bëhet Kodit Rrugor, gjoba do të variojë nga 1 mijë deri në 4 mijë lekë. Vitin e kaluar në të gjithë vendin policia vendosi mbi 502 mijë gjoba, ku 59.200 gjoba janë vendosur vetëm për shoferët që lëviznin me celularë, ndërsa 670 gjoba vetëm për këmbësorët që nuk kalojnë në viza të bardha, apo në mbikalime/Shqiptarja.

Komentet

Shto koment

Të ngjashme