Në të ardhmen e afërt pritet që pjesët e veturave të prodhohen nga bimët

Në të ardhmen e afërt pritet që pjesët e veturave të prodhohen nga bimët

21 July 2019 17:33

Sipas studimeve të shumta shkencore, industria e automobilave është një fajtor i madh për rritjen e emetimeve të dyoksidit të karbonit.

Hulumtuesit e Selena Group nga Polonia janë të bindur se në industrinë e automobilave në masë të madhe mund të zvogëlohen emetimet e CO2 në atmosferë, kur në vend të materialeve plastike të përdoren materiale natyrore, përkatësisht bioplastika, për shkak të të cilës kanë iniciuar projektin “Biomotive” në vlerë prej 15 milionë euro të siguruara nga Bashkimi Evropian.

Thuhet se ideja themelore është të përdoren burime të bimëve, të cilat nuk përdoren në ushqime, duke ndërtuar pllaka komanduese, pjesë të enterierit dhe pjesëve tjera të automobilave, për të cilat zakonisht përdoret plastika.

Selena Group ka zhvilluar një teknologji që përdor komponimet kimike në bimë për të sintetizuar polimere në një laborator dhe dëshiron ta transferojë atë në një nivel industrial, veçanërisht në prodhimin e veturave.

Deri në fund të këtij viti, Selena Group do të nisë një fabrikë të vogël, e cila do të prodhojë pjesë të ndryshme të automjeteve dhe një nga qëllimet është se këto procese janë ekonomikisht të realizueshme, pasi deri më tani kanë qenë shumë të shtrenjta për aplikime industriale./ksp

Komentet

Shto koment

Të ngjashme