Auto

OEAK mirëpret moslejimin e importit të veturave më të vjetra se 10 vjet

OEAK mirëpret moslejimin e importit të veturave më të vjetra se 10 vjet

Prishtinë, 15 maj – Oda Ekonomike Amerikane në Kosovë e vlerëson si hap pozitiv moskalimin e amandamentit të propozuar në Ligjin Nr. 05/L-132 mbi Automjetet për heqjen e kufizimit mbi importin e veturave më të vjetra se 10 vjet. Ky hap duhet të shihet si riafirmim i përkushtimit të Kosovës në fushën e mbrojtjes së mjedisit dhe përafrimit të normave të saj me ato të Bashkimit Evropian.

Oda Amerikane edhe më herët u kishte bërë thirrje të gjithë deputetëve që mos ta mbështesin një ndryshim të tillë që do të përkeqësonte situatën në vend si në aspekt të ndikimit mjedisor, ashtu edhe në aspekt të sigurisë në trafik. Marrë parasysh faktin se vjetërsia mesatare e automjeteve të regjistruara në Kosovë është mbi 18 vite dhe fakti se vendi përballet me nivele të larta të ndotjes gjatë periudhave të caktuara të vitit, implikimet nga një ndryshim i tillë do të rrisnin edhe më shumë shqetësimet tek qytetarët. Padyshim se ndikimet pozitive afatshkurta të një hapi të tillë do të ishin minimale krahasuar me dëmin që automjetet e vjetra mund të shkaktojnë.