General Motors prezanton zyrtarisht Buick Encoren e ri

General Motors prezanton zyrtarisht Buick Encoren e ri

16 April 2019 22:41

General Motors në panairin e sivjetmë të veturave në Shanghai, krahas SUV-it të ri Chevrolet Tracker ka prezantuar edhe kushëririn e tij – modelin e ri Buick Encore.

Së bashku me pamjen moderne, Encore i ri vjen edhe me platformën e re dhe për dallim nga paraardhësi i tij është më i gjatë për 17 mm (tani 4.29 metra) dhe 15 mm boshtin e rrotave më të gjatë (2.57 metra), transmeton Koha.net.

Encore i ri, po ashtu, vjen edhe me interier të modernizuar, më shumë hapësirë për udhëtarët, sistemin modern multimedial dhe ekran të ndjeshëm në prekje.

Buick Encore, ndër të tjera, në Kinë do të jetë në dispozicion me motor benzinë 1.0-litër me tre cilindra e kapacitet prej 115 kuajfuqi, në kombinim me marshin manual ose automatik.

Gjithashtu, në dispozicion do të jetë edhe versioni Encore GX i cili do të jetë i gjatë 4.46 metra dhe me boshtin e rrotave të gjatë prej 2.64 metra.

Sa i përket motorit, Encore GX do të ketë motor 1.3-litër me kapacitet prej 165 kuajfuqi.

© KOHA

Komentet

Shto koment

Të ngjashme