Auto

Valon Jaha triumfon në garën e fundit të Kampionatit të Kosovës në automobilizëm

Valon Jaha triumfon në garën e fundit të Kampionatit të Kosovës në automobilizëm

Është mbajtur gara e fundit e Kampionatit të sivjetmë të automobilizmit të Kosovës. Në garën e katërt të disiplinës auto sllallom ka triumfuar Valon Jaha i AK Kaçandolli PRT, bëhet e ditur përmes një komunikate për media.

“Ka qenë një garë e mirë, me konkurrencë të fortë dhe mjaft interesante. Kam pritur të kem rezultat të mirë sepse veturën e kam pasur në gjendje shumë të mirë, goma adekuate për kushtet e garës së sotme, prandaj rezultati i arritur nuk është befasi. Jam i kënaqur që kampionatin e përfundova me fitore”, ka thënë Jaha pas fitores së sotme.