Zyra e Bashkimit Evropian në Kosovë ka reaguar pas raportimeve se disa varreza ortodokse në Kishnicë të Graçanicës janë dëmtuar. Në reagim thuhet se dënojnë përdhosjen e varrezave, duke shtuar se veprime të tilla “minojnë besimin ndërmjet komuniteteve”.
“Përgëzojmë përpjekjet e Policisë së Kosovës dhe presim që autorët të dalin para drejtësisë”, thuhet në reagim.
Ditë më parë është raportuar nga Policia e Kosovës se janë hasur disa varreza ortodokse të dëmtuara në fshatin Kishnicë. Për këtë kanë nisur hetimet nga hetues të specializuar.
Artikuj të ngjashëm