Ndërrimi i numrave të kandidatëve për deputetë nga radhët e AKR-së në listën e Lidhjes Demokratike të Kosovës, është cilësuar si lëshim nga Jetlir Zyberaj i Aleancës Kosova e Re.
Ai tutje ka shtuar se nuk ka asnjë problem mes dy partive dhe së bashku synojnë t’i fitojnë zgjedhjet.
Sipas tij, kanë pak rëndësi ndarjet e brendshme se si rrjedhin, e rëndësishme për është që me listën e tyre të nxjerrin më të mirën e mundshme.
“Ka qenë një keqkuptim në momentin e dorëzimit paraprak të listës së kandidatëve për deputetë, ju siç e dini nga dorëzimi fillestar i listës që ka qenë ditën e shtunë, në ora 18:00 dhe që ekziston një afat kohor prej 24 orëve për përmasime të mundshme ka ndodhur një lëshim në listën e kandidatëve për deputetë, por i cili nuk nënkupton që ka qenë problemi i joni me Lidhjen Demokratike të Kosovës, ai problem është zgjidhur dhe nuk ka absolutisht asnjë telash në këtë drejtim, e as nuk ka pasur”, ka thënë ai./EO
