Armend Zemaj, kandidat për deputet nga LDK-ja në Interaktiv të KTV-së ka thënë se qytetarët e Kosovës, janë të gatshëm për zgjedhjet e 11 qershorit.
Ai ka thënë se koalicioni LDK-AKR-Alternativa, nuk ka qenë farë befasi, pasi sipas tij, ky koalicion është paralajmëruar shumë më herët.
“Unë e kam bërë të ditur një gjë të tillë, koalicioni ynë ka qenë në bisedime shumë më herët, prandaj nuk duhet konsideruar befasi”, ka thënë ai.
I pyetur për koalicionin e kaluar me PDK-në, Zemaj ka thënë se ata ishin pengesë e sukseseve të tyre.
“Nuk po them që PDK ka qenë pengesë për gjithçka, pasi ne kemi qenë në koalicion me ta, por ata ishin pengesë e madhe për rritjen e ekonomisë dhe arritjes së sukseseve tona”, ka thënë Zemaj.
Sipas tij, Elektorati i LDK-së ka kërkuar një ndryshim dhe që kështu u dha fundi koalicionit me PDK-në, pasi brenda këtij koalicioni, sipas tij, kishte kishte kundërshtime të mëdha në shumë aspekte.
Edhe
Zemaj nuk është befasuar nga koalicioni PDK-AAK-Nisma
“PDK gjithmonë është në kërkesë të interesave të tyre, jo të qytetarëve të Kosovës”, ka shtuar ai.
Zemaj, zgjedhjet e 11 qershorit i konsideron më të lehta pasi është një bllok me koalicione dhe Lëvizja Vetëvendosje.
“Zhvillimi ekonomik i vendit është synimi i të gjitha koalicioneve, diçka më e mirë për vendin”, ka shtuar ai.
