Pas disa ditësh me çmim mbi 1.8 euro për litër, nafta ka nisur “të lirohet”.
Sipas njoftimit të Ministrisë së Industrisë, Ndërmarrësisë, Tregtisë dhe Inovacionit, një litër naftë të martën (14 prill) mund të shitet maksimalisht me çmim prej 1.78 euro.
Një ditë më parë ishte 1.84 euro.
Benzina (1.44 euro) dhe gazi (89 centë) kanë mbetur njësoj.
Nafta u shtrenjtua prej kur më 28 shkurt Shtetet e Bashkuara të Amerikës dhe Izraeli nisën luftën me Iranin, shtet që menjëherë mbylli Ngushticën e Hormuzit, e cila shfrytëzohet si rrugë detare për 20 për qind të naftës në nivel botëror.
Edhe
Në botë nafta bie në çmimin e para luftës në Iran, në Kosovë vonon
Pasi u arrit armëpushimi javën e shkuar, çmimet në bursë ranë, por në Kosovë lëvizën shumë pak.
Tani negociatat që nisen mes Iranit dhe SHBA-së kanë dështuar pasi palët nuk kanë arritur të dakordohen për një marrëveshje.
