Nënkryetari i Partisë Socialdemokrate, Visar Ymeri, ka thënë se është e papranueshme, zbatimi i kontratës së nënshkruar nga ministria e Integrimit Evropiane dhe kompania amerikane.
Ymeri në një konferencë për media ka thënë se përmes nënshkrimit të kësaj marrëveshje, MIE ka tejkaluar kompetencat e saj dhe ndërhyrje në kompetencat e ministrive tjera siç është ajo e Punëve të Jashtme, transmeton KTV.
“Përmes kësaj kontrate Ministria e Integrimeve e ka marrë rolin e MPJ-së. Përmes kësaj kontrate Hoxha dhe Ministria i kanë kaluar kompetencat e veta. Ministria do të duhej të përqendrohej të procesi i integrimit në BE, e jo të merret me lobim", tha ai.
Bazuar në caktimin kryetarit të PDK-së, Kadri Veseli, si person kontaktues, Ymeri ka shtuar se kjo kontratë rreth 150 mijë eurosh, është bërë për interesa partiake e jo të ministrisë.
"Kur është vendosur emri i personit nga Kosova është vendosur emri i Kadri Veselit po mendoj që në këtë kontratë është PDK dhe në këtë drejtim e ka vendos kryetarin e partisë së vet pa pikë lidhje si person kontraktues që lë të dyshohet se kjo kontratë më shumë do të shërbejë interesave partiake e Kadri Veselit", tha ndër të tjëra Ymeri.
-
PSD: MIE-ja ka tejkaluar kompetencat, ka marrë rolin e MPJ-së
-
Kontrata e MIE-së me kompani lobuese amerikane po shihet si e dyshimtë dhe absurde
-
Ymeri: Veseli sot bëri shumë shkelje në Kuvend
-
Ymeri thotë se po linçohet vetëm pse bëri pyetje për gazin amerikan
-
Ymeri për gazin: I kam shkruar Ambasadës Amerikane, po përballen me qasje refuzuese