Lëvizja Vetëvendosje i është bashkuar garës për zgjedhjet e jashtëzakonshme për kryetarë të katër komunave të pjesës veriore të Kosovës, Mitrovicën e Veriut, Leposaviq, Zubin Potok dhe Zveçan, që do të mbahen më 19 maj.
Zëdhënësi i KQZ-së, Valmir Elezi, ka treguar për Koha.net se përveç PDK-së e cila ka aplikuar për t’u certifikuar në zgjedhje, në ditën e fundit kanë pranuar edhe aplikimin e Lëvizjes Vetëvendosje.
“Kemi pranuar edhe një aplikim për t’u certifikuar për pjesëmarrje në këto zgjedhje. Lëvizja Vetëvendosje ka paraqitur aplikimin për zgjedhjet për kryetarë në këto 4 komuna”, ka thënë ai.
18 prilli ka qenë afati i fundit për aplikim, ndërkaq zgjedhjet në katër komunat do të mbahen më 19 maj.
Kujtojmë se vetëm PDK dhe Vetëvendosje janë certifikuar për pjesëmarrje në këto zgjedhje.
-
Lista Serbe nuk aplikon për pjesëmarrje në zgjedhjet në veri
-
4 subjekte politike e një kandidate e pavarur konfirmojnë pjesëmarrjen në zgjedhjet në veri
-
Zgjedhjet në veri, KQZ-ja ua mundëson kandidimin edhe atyre që nuk aplikuan në dhjetor
-
KQZ-ja cakton afatet për organizmin e zgjedhjeve të 23 prillit në veri
-
KQZ-ja pritet t’i certifikojë kandidatët për kryetarë të komunave veriore