Ministrja e Drejtësisë, Albulena Haxhiu, njoftoi se të enjten do të mblidhet grupi ndërministror që do të raportojë për veprimet institucionale, për rastin e vrasjes së gruas shtatzënë.
Ajo shkroi në Facebook mbrëmjen e së mërkurës se lufta me femicidin mund të jetë e vështirë, por nuk duhet humbur shpresat. Sipas Haxhiut, vrasja e gruas të mërkurën, lë të kuptojë se pavarësisht veprimeve, “kemi edhe shumë punë për të bërë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Një grua dhe foshnja që priste ta sillte në jetë u vranë tek shkallët e repartit të gjinekologjisë. Krim i rëndë, vrasje e dyfishtë. Brenda 5 ditëve dy gra të vrara nga bashkëshortët. Gruaja që priste fëmijën të sillte në këtë botë, vritet nga burri i saj, në vendin ku lindin fëmijët e vendit tonë, ku gratë bëhen nëna, nga atje ku lindë një jetë e re. Me shpresën për një botë më të mirë. Një grua që duhej të mbrohej. Ajo u shua. U shua bashkë me fëmijën ende të pa lindur. Këto krime të rënda na bëjnë të kuptojmë që femicidi është i përhapur në shoqërinë tonë”, deklaroi ajo.
Haxhiu iu shprehu ngushëllime familjarëve të viktimave, ndërsa shtoi se dhunuesit duhet të marrin dënimin meritor.