Vetura të Policisë drejt Manastirit të Banjskës

Të paktën 10 vetura të Policisë së Kosovës dhe civile janë parë të hënën duke shkuar për te Manastiri i Banjskës.

Kjo kolonë veturash ishte me hetues, prokurorë e Inspektorat të Policisë.

Në hyrje për te Manastiri në Banjskë është vendosur një patrullë e Policisë, teksa nuk po lejohet kalimi në këtë rrugë.

Në fshat ka tentuar të hyjë një familjar i njërit prej sulmuesve të vrarë, por nuk është lejuar. Pas disa minutash është lejuar kalimi i disa veturave që dyshohet të jenë banorë të fshatit. Ato fillimisht u kontrolluan nga Policia.

Siç ka marrë vesh KOHA, dy nga të vrarët janë nga Mitrovica e Veriut dhe Zveçani.