Lëvizja Vetëvendosje, Partia Guxo dhe Alternativa kanë njoftuar se kanë publikuar listën e përbashkët të kandidatëve për deputetë.
Listës prej 110 kandidateve i prin kryeministri Albin Kurti.
Lista e tyre është publikuar pas përfundimit të afatit për dorëzim të listave në Komisionin Qendror të Zgjedhjeve (KQZ).
Në listë nuk janë përfshirë zëvendëskryeministri Besnik Bislimi, Ministri i Mjedisit, Planifikimit Hapësinor dhe Infrastrukturës, Liburn Aliu, si dhe deputetët Arta Bajralia, Burim Meta, Ekrem Mustafa, Gazmend Gjyshinca, Jahja Kokaj, Tinka Kurti dhe Yllza Hoti.
