Varhelyi: Me Shkupin e Tiranën duhet të nisin negociatat për anëtarësim në BE

Nuk ka ndryshim nga qëndrimi se Maqedonia e Veriut dhe Shqipëria duhet t’i fillojnë negociatat për anëtarësim në BE, ishte mesazhi eurokomisionerit për zgjerim, Oliver Varhelyi, në vizitën e parë të tij në Shkup.

Pas takimit me kryeministrin teknik të Maqedonisë së Veriut, Oliver Spasovski, Varhejn theksoi se vendi ka bërë mjaftueshëm në sferën e reformave duke shprehur mirënjohjen e tij edhe për Marrëveshjen e Prespës.

“Duhet patjetër të punojmë edhe më tepër për të vlerësuar se Maqedonia Veriut dhe Shqipëria duhet t’i fillojnë negociatat për anëtarësim. Nuk ka ndryshim nga ky qëndrim dhe mbetemi të përkushtuar. Duhet patjetër t’i fillojmë negociatat me këto dy vende. Para Samitit të Zagrebit patjetër duhet të kemi vendim pozitiv nga Këshilli Evropian. Qasja e re e BE-së duhet patjetër të jetë më objektive, më dinamike, pak me më shumë bazë politike dhe më i sigurt”, tha Varhelyi, raporton Alsat-M.

Ai kërkoi nga Parlamenti Evropian që Maqedonisë së Veriut t’i ndahet shpërblim prej 50 milionë eurove për veprimet konstruktive dhe shfrytëzimin e tyre për qëllime evropiane.

Kryeministri teknik, Spasovski, theksoi zhgënjimi nga mosmarrja e datës në nëntor të 2019 dhe metodologjia e re për zgjerim, motivon edhe me shumë Qeverinë që të punojë në drejtim të anëtarësimit.

Edhe Botë 26 pri 2022 Varhelyi: Shtyrja e integrimit të Ballkanit nuk është në interes të BE-së

“Programi i ri i KE-së paraqet shpresë të madhe për vendet e Ballkanit Perëndimore me çka do t’i përforcon pozicionet tona si vende të ardhshme anëtarë. Ke-ja gjithmonë ka qenë dhe mbetet aleati ynë me i madh i përafrimit në BE. Ngritjen e standardeve brenda BE-së e vlerësojmë si të rëndësishme dhe për këtë arsye, në procesin e reformave me qëllim anëtarësimin BE jemi futur me motiv edhe më të madh”, pohoi Spasovski.

Paraprakisht Varhelyi zhvilloi takim me presidentin Stevo Pendarovski nga i cili ka marr garanci se pavarësisht përbërjeve të ardhshme qeveritare, anëtarësimi në BE nuk ka alternativë. Varhelyi zhvilloi takim edhe me kreun e Kuvendit, Talat Xhaferi ndërsa më pas takoi edhe liderin e LSDM-së, Zoran Zaev, atë të opozitës Hristijan Mickoski dhe liderët e partive politike shqiptare. Vizitën e tij Varhelyi të enjten e vazhdon në Shqipëri.