Anëtari serb i Kryesisë së Bosnjë e Hercegovinës, Mlladen Ivaniq, ka vazhduar vizitën nëpër Kosovë duke qëndruar nëpër manastire të vendit tonë.
Ai sot ka vizituar manastirin e fshatit Zoçishtë dhe Hoçës së Madhe, manastiret në rrethinë të Prizrenit dhe Graçanicën, njofton kumtesa nga Kryesia e B-H-së, transmeton Koha.net.
Ivaniq në Prizren ka vizituar Kishën Shën Premtja dhe Shën Gjergji, ka biseduar me klerikë, arsimtarë e nxënës serbë nga Kosova, përcjell FoNet.
Ai me këtë rast ka thënë se është i lumtur që gjendet sërish në Kosovë dhe që ka pasur rastin ta vizitoj Patrikanën e Pejës dhe manastire të tjera.
“Është detyrë e të gjithë neve që bëjmë punë publike të ndihmojmë dhe të jemi me njerëzit tanë në Kosovë, sepse për ta do të thotë- shumë qëndrimi ynë këtu”, ka thënë Ivaniq.
Edhe
Lideri serb i Bosnjës hyri në Kosovë me vizë
Bosnja e Hercegovina, nën presionin dhe kundërshtimin e Republikës Serbe, nuk e ka njohur pavarësinë e Kosovës dhe nuk lejon lëvizjen e lirë qytetarëve të Kosovës atje.
Nuk dihet nëse Ivaniq në Kosovë qëndron me leje të autoriteteve të vendit tonë.
