Udhëheqësit e katër vendeve të Ballkanit, Serbisë, Greqisë Bullgarisë dhe Rumanisë mbrëmë, në kryeqytetin rumun, e kanë nënshkruar Deklaratën e Bukureshtit.
Deklaratën e kanë nënshkruar tre kryeministra dhe një president: Viorica Dancila (Rumani), Boyko Borissov (Bullgari), Alexis Tsipras (Greqi) dhe Aleksandar Vuçiq (Serbi), transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMe këtë deklaratë, siç njoftojnë medie nga Beogradi, konfirmohet shtimi i bashkëpunimit ndërmjet këtyre vendeve ndërsa tri vendet anëtare të Bashkimi Evropian i kanë premtuar Serbisë përkrahje në rrugën e saj të integrimit evropian.
“Ne përpiqemi për zgjerimin e BE-së në vendet e rajonit, ndërsa Rumania në veçanti angazhohet në përshpejtimin e procedurës kur bëhet fjalë për Serbinë”, ka thënë me këtë rast kryeministrja rumune Dancila.
Në deklaratë parashihet zgjerimi i bashkëpunimit në infrastrukturë e energjetikë ndërmjet këtyre katër vendeve.
Vetëm Bullgaria, nga këto katër shtete, e njeh pavarësinë e Kosovës.
Lidhur me Kosovën, Serbia i konsideron shumë aleate Rumaninë dhe Greqinë.