Presidenti i Kosovës, Hashim Thaçi, në një intervistë për Radio Televizionin Publik të Kroacisë (HRT), duke folur për dialogun për normalizimin e marrëdhënieve ndërmjet Kosovës dhe Serbisë, ka thënë se marrëveshjet Kosovë – Serbi çojnë tërë Ballkanin Perëndimor përpara drejt perspektives evropiane.
“Çdo armiqësi e re Kosovë – Serbi nënkupton stagnim për dy vendet, por edhe për rajonin, sepse raporti Kosovë – Serbi nuk nënkupton vetëm raport të dy vendeve, por ka një reflektim më të gjerë”, ka theksuar ai.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Thaçit, Kosova e Serbia do të arrijnë marrëveshje për normalizim, për paqe dhe pajtim të qëndrueshëm ndërshtetëror.
“Kosova nuk e harron gjenocidin e Serbisë që e ka kryer në Kosovë, por jemi të vendosur të ndërtojmë paqe”, ka shtuar ai.
Thaçi ka komentuar edhe vrasjen e Oliver Ivanoviqit, duke thënë se kjo vrasje nga të dhënat preliminare, nuk ka të bëjë asgjë me raportet shqiptare dhe serbe.