Tahiri i përkushtuar për të kompensuar viktimat e dhunës seksuale gjatë luftës në Kosovës

Ministri i Drejtësisë, Abelard Tahiri, ka pritur në një takim njoftues ekipin e Amnesty International, të përbërë nga Gauri van Gulik, Zëvendës Drejtoreshë për Evropën, si dhe raportueset Sian Jones dhe Jelena Sesar.

Ministri Tahiri ka njoftuar për prioritetet e tij në mandatin 4 vjeçar, si dhe për punën që po bëhet në harmonizimin e normave ligjore konform standardeve bashkëkohore ndërkombëtare në fushën e drejtësisë.

Ai ka përmendur punën që Qeveria ka bërë në kompensimin e viktimave të dhunës seksuale gjatë luftës, duke arritur që për këtë kategori të ndjeshme të shoqërisë të ofrohet trajtim i dinjitetshëm. Në këtë rrafsh, ministri Tahiri ka premtuar se do të jetë i përkushtuar që t’iu mundësojë qasje të plotë në drejtësi.

Zëvendës Drejtoresha për Evropën në Amnesty International, van Gulik ka ofruar mbështetjen e saj për Ministrinë në përmirësimin e politikave, që do të ndihmonin Kosovën në përmbushjen e standardeve ndërkombëtare për respektimin e të drejtave dhe lirive të njeriut.