Raportohet se gazetari Parim Olluri është sulmuar fizikisht nga disa persona, dhe këtë sulm e ka dënuar Asociacioni i Gazetarëve të Kosovës.
Ai është sulmuar afër banesës së tij në rrugën Bajram Kelmendi në Prishtinë, rreth orës 22:00, raporton Insajderi. Në momentin e sulmit, ai ka qenë i shoqëruar nga bashkëshortja e tij, e cila është alivanosur.
Aktualisht, Olluri gjendet në Qendrën Klinike Universitare të Kosovës. Ai ka pësuar lëndime të lehta trupore.
“Asociacioni i Gazetarëve të Kosovës e dënon sulmin fizik ndaj kolegut Parim Olluri, i ndodhur në orët e vona të mbrëmjes së sotme. AGK kërkon nga organet e sigurisë që të zbulojnë këtë rast në afat optimal pasi që sulme të tilla, në themel dëmtojnë lirinë e shprehjes dhe medias”, thuhet në komunikatën e AGK-së.
AGK i uron shërim të shpejtë kolegut Olluri si dhe bashkëshortes së tij, të cilët kanë pësuar lëndime trupore gjatë sulmit.
AGK thotë se do të përcjellë me vëmendje këtë rast duke kërkuar efikasitet nga organet e drejtësisë.
-
Policia kërkon ndihmë për identifikimin e të dyshuarve që sulmuan gazetarin Parim Olluri
-
Sulmohet gazetari Valon Syla
-
AGK dënon sulmin fizik ndaj gazetarit Altin Ahmeti
-
AGK dënon fushatën ndaj gazetarit Parim Olluri
-
Platforma Regjionale që përfaqëson 8 mijë gazetarë, kërkon rezultate në rastin Olluri