Sindikata e punëtoreve të RTK-së, ka kërkuar nga deputetët e Kuvendit të Kosovës që të rrisin buxhetin për televizionin publik.
“Si përfaqësues të punëtorëve të RTK-së, ju bëjmë thirrje që ta ktheni buxhetin e mediumit publik në lartësinë siç ka qenë para dy vitesh, jo pse është i mjaftueshëm për RTK-në, por buxhetin që e keni ndarë aktualisht, është kolapsim i televizionit të vetëm publik në vend”, thuhet në letrën publike të Sindikatës, drejtuar deputetëve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAta kanë theksuar se për 23 vjet, asnjëra legjislaturë nuk ka bërë zgjidhje të përhershme sa i përket financimit dhe pronës së RTK-së.
Ata kanë pyetur deputetët nëse e kanë në plan ta mbështesin televizionin publik.
“Me buxhetin e ndarë aktualisht pamundësohet funksionimi i RTK-së, e lëre më të flasim për investime e emisione të reja. Nuk ka shikueshmëri pa buxhet, s`ka programe e as teknologji të re. Nuk ka televizion publik që mund të funksionojë pa financa dhe me buxhetin që funksionon RTK-ja”, thuhet në letrën drejtuar deputetëve.
Sipas Sindikatës së Punëtorëve, RTK-ja është në gjendje të rëndë financiare. “Duke e mbështetur me kthimin e buxhetit ashtu si çka qenë para dy vitesh, RTK mund të dalë nga kjo situatë e rëndë financiare. Disa herë ju kemi alarmuar që objektet ku ne punojmë janë të rrezikshme për shëndetin dhe në rrezik për t`u shembur. Neve si Sindikatë e Punëtorëve nuk na mbesin rrugë të tjera për ta mbrojtur RTK-në dhe punonjësit e saj, përveç përmes rrugëve ligjore si grevat e protestat”, thuhet në letër.
Sipas tyre, në mënyrë që RTK-ja të marrë vetën, buxheti për të duhet të korrigjohet.
Javë më parë edhe Bordi i RTK-së, ka reaguar ndaj ndarjes së buxhetit prej 8.96 milionë eurosh për të për vitin 2023.