Shtatë nxënës të shkollës fillore “Elena Gjika”në Prishtinë dyshohet të jenë helmuar pas konsumimit të sandviçëve në bufenë e shkollës. Të njëjtit nxënës janë trajtuar në Qendrën Klinike dhe Universitare të Kosovës.
Drejtori i kësaj shkolle, Betim Sylejmani, ka thënë se janë në pritje te analizave përfundimtare nga ana e Institutit Kombëtar për Shëndetin Publik, shkruan sot Koha Ditore.
“I kemi pesë nxënës në klinikën infektive, kështu jemi të informuar për momentin. Gjendja e tyre është stabile, mendohet që janë helmuar, po i presim analizat përfundimtare, me ditë saktë se nga çfarë janë helmuar”, ka thënë drejtori i kësaj shkolle, Betim Sylejmani. Sipas tij, nxënësit ushqehen në këtë bufe, pikërisht shkaku i sigurisë.
“Arsyeja e të ushqyerit në bufe është për shkak të sigurisë së nxënësve, mos me dalë në rrugë, që të mos takohen me të dy shkollat e tjera të mesme qe i kemi afër”, ka thënë Sylejmani. Ai ka thënë se bufeja përmban asortiment të paktë ushqimor.
Nga ana tjetër, drejtoresha e Qendrës Infektive, Lindita Ajazaj –Berisha ka thënë se fëmijët janë duke u trajtuare ne Klinikën Infektive, porse ende nuk dihen shkaqet e helmimit të tyre. Ajo ka bërë të ditur se nxënësit janë të klasave të ndryshme.
(Artikullin e plotë mund ta lexoni në numrin e sotëm të Kohës Ditore)
-
Intervistohet pronari i një lokali në Han të Elezit pas dyshimeve për helmim nga ushqimi
-
65 persona dyshohet se u helmuan nga ushqimi në Han të Elezit
-
11 nga 31 të dyshuarit për helmim nga ushqimi në QKUK rezultojnë pozitivë me salmonella
-
Dyshime për helmim të disa nxënësve në një shkollë në Vitomericë të Pejës
-
Afro 30 nxënës të Mitrovicës kërkuan ndihmën mjekësore, dyshohet se janë helmuar nga ushqimi