Zhvillimet e fundit në veri të Kosovës kanë bërë që ministrja e Mbrojtjes, Mimi Kodheli dhe homologu i saj kroat Damir Krsticevic t’i drejtohen sekretarit të përgjithshëm të NATO-s Jens Stoltenberg, me një letër.
Siç njofton Ministria shqiptare Mbrojtjes, Kodheli dhe Krsticevic kanë dënuar retorikën nacionaliste nga politikanët serbë dhe veprimet në kufirin midis Kosovës dhe Serbisë, që cenojnë sovranitetin e Republikës së Kosovës dhe stabilitetin e sigurisë në Ballkanin Perëndimor.
Dy ministrat i kanë kërkuar sekretarit Stoltenberg rishikimin e planit operacional të misionit paqeruajtës në Kosovë pas zhvillimeve të fundit atje. Gjithashtu, ata kanë kërkuar edhe shndërrimin e Forcës së Sigurisë së Kosovës në Forca të Armatosura.
Artikuj të ngjashëm
-
Stoltenbergu përmend mundësinë e përforcimit afatgjatë të KFOR-it në Kosovë
-
Osmani thotë se anëtarësimi i Kosovës në NATO është garanci për rajonin, sekretari s’jep shpresa
-
Shefi i NATO-s: Nuk do të lejojmë që dhuna e viteve 1990 të kthehet në Kosovë
-
Stoltenberg: Kosova dhe Serbia të përmbahen nga tensionet
-
NATO: Kosova e Serbia të përmbahen nga veprimet që mund t’i rrisin tensionet