Tiranë, 19 shtator - Shqipëria dhe Maqedonia e Veriut kanë rënë dakord për ngritjen e një pike ndërkufitare “One Stop Shop” për lehtësimin e lëvizjes së mallrave dhe qytetarëve mes të dy vendeve.
Ministrja e Financave dhe Ekonomisë Anila Denaj bëri të ditur sot se, gjatë takimit që zhvilloi në Tiranë me ministrin e Ekonomisë së Maqedonisë së Veriut, Kreshnik Bekteshi, diskutoi mbi rritjen e bashkëpunimit ekonomik mes dy vendeve dhe lehtësimin e lëvizjes së qytetarëve ndërmjet dy vendeve.
“Bashkëpunimi ekonomik dhe bashkërendimi i politikave për nxitjen e investimeve të huaja duhet të jetë një qasje strategjike e përbashkët, me synimin për të krijuar një ekonomi shkallë jo vetëm midis dy vendeve, por në të gjithë rajonin” u shpreh ministrja pas takimit.
Sipas INSTAT, Shqipëria dhe Maqedonia e Veriut vitet e fundit kanë shënuar një nivel në rritje të shkëmbimeve tregtare, që sipas të dhënave zyrtare, për periudhën janar-gusht 2019 kanë arritur vlerën e 5.7 deri 6 miliardë lekëve.
Ndërsa fluksi i qytetarëve maqedonas për turizëm në Shqipëri është në trend rritje të vazhdueshëm nga viti në vit dhe në çdo periudhë të vitit/ATSH.
-
Hyn në fuqi marrëveshja kufitare mes Shqipërisë dhe Maqedonisë së Veriut
-
Biznesi kërkon nga Shqipëria, Kosova dhe Maqedonia e Veriut të heqin barrierat...
-
Maqedonia e Serbia nga sot menaxhojnë bashkërisht pikëkalimin Tabanoc – Preshevë
-
Shqipëria me pika të përbashkëta kufitare edhe me Maqedoninë e Veriut
-
Shqipëria e Maqedonia e Veriut zyrtarizojnë bashkëpunim kulturor