Ministri i Forcës së Sigurisë së Kosovës, Rrustem Berisha, në Halifaks ka zhvilluar një takim me senatoren amerikane, njëherësh anëtare e Komitetit të Senatit për Forcat e Armatosura, Jeanne Shaheen.
Ministri Berisha e njohu senatoren Shaheen për procesin e tranzicionit të FSK-së, të arriturat e deritanishme dhe sfidat e këtij procesi.
“Ministri Berisha dhe komandanti i FSK-së, gjenerallejtënant Rrahman Rama, i kanë shprehur shqetësimin e tyre senatores Shaheen lidhur me fushatën kërcënuese që po u bëhet nga jashtë pjesëtarëve të komunitetit serb, të cilët po dekurajohen që të shërbejnë në Forcën e Sigurisë së Kosovës”, bëhet e ditur përmes kumtesës për media, përcjell KosovaPress.
Në fund të takimit, ministri Berisha e ka siguruar senatoren se FSK –ja do të mbetet forcë e besueshme, e përkushtuar dhe e gatshme në shërbim të të gjithë qytetarëve të Kosovës, si dhe në shërbim të paqes dhe sigurisë në vend, rajon dhe më gjerë.
-
Berisha: Deklaratat e pamatura të Serbisë nxisin rritjen e tensioneve ndëretnike
-
Një delegacion i NATO-s vizitoi Ministrinë e Mbrojtjes, u bisedua për tranzicionin e FSK-së
-
Senatorët amerikanë e sigurojnë Haradinajn se SHBA-ja do të vazhdojë mbështetjen e Kosovës
-
Rreth 300 serbë kanë aplikuar për 70 vende pune në Ushtrinë e Kosovës
-
FSK-ja do t’i kontribuojë paqes në Kosovë së bashku me NATO-n